كشف عمر كمال عبد الواحد، لاعب النادي الأهلي السابق، كواليس الواقعة التي جمعته بالحسين عموتة، المدير الفني للفريق، خلال فترة وجوده مع القلعة الحمراء، مؤكدًا أن المشادة بدأت بسبب سوء تفاهم بشأن ألوان قمصان التدريب، قبل أن تتطور إلى خلاف بين الطرفين.
وقال عمر كمال، خلال تصريحاته ببرنامج «الكابتن» مع أحمد حسن، المذاع عبر قناة «دي إم سي»، إنه عاد إلى الأهلي بعد انتهاء إعارته إلى سيراميكا كليوباترا، قبل أن يتلقى اللاعبون تعليمات بالعودة إلى التدريبات في موعد محدد.
وأوضح لاعب الأهلي السابق: «أنا خلصت إعارتي من سيراميكا ووصلت رسالة على الجروب إن كل اللاعبين هترجع في يوم محدد».
وأضاف: «رجعت واتقالنا إن الحسين عموتة عايز 30 لاعب يشوفهم في الملعب، وهيستقر على مين يكمل ومين لا، واتمرنت أول أسبوع وثاني أسبوع حصل موقف أثبت لي حاجات لم أكن أتخيلها».
وتابع عمر كمال: «كان فيه تقسيمة من 3 فرق، والكابتن هشام، المدرب العام، قالي هتلبس قميص موف، لكن حسين عموتة قال له فيه فريق أخضر ناقص، فاتقسمنا من جديد، واسمي اتقال في الفرقة اللي مش معايا، يعني لبست قميص مش مع فريقي».
وأكمل: «قولت للكابتن إن الكابتن هشام قالي هتلبس موف، فبيراجع قالي إنت مش لابس أخضر ليه، ولقيت رد فعل مش طبيعي بطريقة مش متخيلها في حياتي».
وأشار لاعب الأهلي السابق إلى أن الموقف تصاعد سريعًا، قائلًا: «الحسين عموتة قالي أنت مش دريان بنفسك، أنت مش عارف حاجة ولا فاهم حاجة، قولتله يا كابتن، قاطع كلامي وقالي: هششش.. اسكت اسكت، أنت مش عارف حاجة».
واختتم عمر كمال حديثه قائلًا: «أنا مش بعرف أتطاول، وقولت له متتكلمش معايا كده، وأديته ضهري ومشيت، والمدرب العام مشي ورايا وطول التمرين مش شايف».
وأضاف: «الكابتن هشام اتأسف وفضل يومين يقولي متزعلش، حقك عليا، والموضوع عدى وانتهى».
كن أول من يعلق!